±0 life

~nunca choveu que num estiara~

Posts in “vèneto”

Insònii #022 - #024

Mi zero in Giapon co i mei genitori (seben che nte la vita real i son mai ndat qua) e me nona. Zèrimo nte'n ristornte. Fugivo d'un amigo, T. Non sò mia perché, vago via solo del ristorante, ma lo cato nte lu nte'l stasionamento co so mama. Me scondo svelto e par sorte el no me vede mia. Sentivo de fora del ristoran come me pupà drio brontolava par qualcosa.


Zero no sò ndove co na amiga (che no sò mia chi che la ze) e me cusin de secondo grado V., ma ricordo che ghe zera arquanti computadori, e ela la ghe spiegava qualcosa in giaponese (malgrado la parla mia giaponese). Alora ghe domando se la scriveva en okinawano (seben che noantri no semo mia okinawani), e ela la me mira imbaraià e la me dise: "Ma... I ze diferente l'okinawano e l'esperanto? Che cosa che i son drio spetar, i esperantisti?", e mi scominsio a parlar de l'esperanto e de la "fina venko" (???).


Asistevo sèrie antighe con qualchedun che no cognoso mia. Zera de note, e de colpo nda dentro la caxa un ladro. El scominsia a reoltar e sfrugnar in tut, fin ntei eletrodomèstichi. Alora, la toradera la sciopa e la fameia la s'incorze che ghe ze qualquedun nte la caxa. Mi no cognoso nisun. Ghe son due tosatei, uno de lori el putel che'l asisteva TV insieme con mi, la mama, el pupà e la nona; nisun axiatico. El padre el ze furbi cosita, el se nasconde nte nantro posto. El seguetrador alora mete i quatro nte na càmera e'l dixe che'l li liberarà co che'l finise de robar. Nte un momento, m'incorto che son nte la caxa de me cusina J., ma ghe son due done nte de drio dela caxa che no cognoso mia. E ghe ze anca nantra caxa. Me scondo là par che'l ladro no'l m'apagnase.

Me ciamo fora - Radiofiera

Pare dime ti se no convien
saltar sora na barca e ƚasarse ndar
xo coƚa corente
xo sensa far gnente
xo fin dove che te brasa el mar.
Pare dime ti se go sbalià
co go stacà chel Cristo inciodà
ƚo go cavà daƚa crose
ƚo go netà daƚe bròse
almanco adèso el dorme destirà.

Mi no me va
sto ndar furtivo
sto tempo insulso
sto sol veƚenoso
No me va
che i spua sul piato
che i prega dio
par guadagnar ntela lòto.
No me va
no vui savérghene
no me va.

Mare dime ti se bastarà
restar tuta ƚa me vita denocià
par vedar el paradiso
magnar na scudèƚa de rixo
e vivar sensa èser bastonà.
Mare dime come che se fa
far finta de no vedar tuto el mal
sbasar ƚa testa, i òcii
davanti a sti pedòcii
sti vermi boni gnanca par pescar
 
Mi no me va
star xito e basta
davanti a un mona
co ƚa testa basa
no me va
un cuòr che trema
na lengua mòrta
ƚàgrime in tèra
no me va
no vui savérghene
no me va.
Parché sto sol anca se orbe
anca se'l bruxa ƚo go pagà
come el doƚor te piega ƚa schena
cusì l'amor te drisa el cuòr.

Insònio #021

Zero in aula de non sò mia che matèria la zera. EL professor elne feva leser in alta voxe un giornal in francese o tradurerlo in spagnol intanto che'l leseva. Me tocava a mi farlo. Dopo, lu el ga riclamà dela me manca de fluensa. Mi e lu zèrimo visini, nte na visinansa ndove che ghe zera ancora arquante caxe e pochi edifisii. Pi tardi, non sò mia cosa che la ga sucedest, ma par che'l ga fat qualcosa de cativo e i lo ga meso in preson. E mi saveva qualcosa che lo comprometeva. Me ricordo que parlavo co'n amigo, e ghe go domandà se gavaria de contar a la so moier quelo che saveva, ma el me ga consilià de no farlo, che'l zera mejo mantegnarlo a me, che me podaria eser util pi avanti.

Insònii #019 e #020

Me go insonià che un colega del primàrio, V., el me giutava con matemàtica. Me ricòrdo che el me spiegava con exempii pràtichi qualcosa sora le figure che i se podeva mover in ogni diresione, ma come sempre, no l'era mia bon de capir.


Ntel me insònio, la me passion de putel, B., e mi zèrimo visini, ma ancora pi distante che in realtà. Ntel insònio, mi son andat due volte a casa soa.